රට තුල දැවන්ත සංවර්ධන කාර්යක් සාක්ෂාත් කරගැනීමේදී කිසිදු රටකට හෝ රාජ්‍යකට තනිව එම ඉලක්ක සපුරා ගැනීම පහසු කටයුත්තක් නොවේ.ගෝලීය වශයෙන් එකමුතු භාවයත්, රටවල් අතර සාමූහිකත්වයත් අවශ්‍ය වන්නේ ඒ නිසාය.එහිදී ආර්ථික වශයෙන් දියුණු රටවල් මූල්‍යමය, තාක්ෂණිකමය ආදී ලෙස තම දායකත්වය අනෙකුත් රටවලට දීමෙන් එම රටවල දියුණුව අපේක්ශා කරන අතරම එහි ප්‍රතිලාභ තම රටවලට හිමිකර ගැනීමට අපේක්ෂා කිරීම නොවැලැක්විය හැකි කාරණයකි.
2011 වසරේදී මුලින් ශ්‍රී ලංකාවේ වරාය නගරය ඉදි කිරීමේ යෝජනාව ඉදිරිපත් කලේ චීන රජයට අයත් සමාගමක් වන චීන සන්නිවේදන හා ඉදිකිරීමේ සමාගමයි. 2014 වසරේදී චීන අගමැති ෂී ජින් පින් අතින් මේ ව්‍යාපෘතියේ ආරම්භය සිදු වූයේ ශ්‍රී ලංකා රජය හා චීන සන්නිවේදන හා ඉදිකිරීම් සමාගමට අනුබද්ධ සමාගමක් වූ China Harbour Ingineering Corporation (CHEC)අතර අත්සන් කල ගිවිසුමට අනුවය.
මෙය හම්බන්තොට වරාය, ගුවන්තොටුපල, අධිවේගී මාර්ග, විදුලි බලාගාර මෙන්ම නෙළුම් කුලුණ වැනි ලංකාවේ අති දැවැන්ත ඉදිකිරීම් රාශියක් සිදු කල සමාගමකි. මේ සදහා 2014 වසරේ ගිවිසුම්ගත්ග වූ ආකාරයේ නීතිමය තත්වය වෙනස් කර එයට යම් සාධනීය ලක්ෂණ කිහිපයක් එක් කිරීමට හැකි වූයේ 2016 වසරේදී අත්සන් කල ගිවිසුමෙනි. පසුව නීතිපතිගේ අනුමැතියද සහිතව 2019 සැප්තැම්බර් මස ඉදිරිපත් කල කෙටුම්පතින් හා 2020 වසරේ අගමැතිවරයා පත් කල ෆර්ඩිනැන්ඩස් කොමිසමෙන් ඉදිරිපත් කල යෝජනා වලින් යෝජිත වරාය නගර කොමිසම වෙත රජයේ මැදිහත් වීම පිලිගන්නා ලදි. එහිදී ගොඩකරන වපසරිය සම්බන්ධයෙන් ඉදි කරන සමාගම හා රජය අතර බෙදී යන ප්‍රතිශතය ද තහවුරු විය.
ඒ අනුව මුලු ගොඩබිම් ප්‍රමාණයෙන් ඉදිකිරීම් කල CHEC සමාගමට හෙක්ටයාර 91ක් ද, රජයට අයත් ප්‍රදේශ ලෙස හෙක්ටයාර 116ක්ද, මාර්ග, උද්‍යාන, දියකඩිති ආදී පොදු විනෝද කටයුතු වෙනුවෙන් හෙක්ටයාර 91ක්ද, රජයට අයත් ප්‍රදේශ ලෙස හෙක්ටයාර 62ක්ද වශයෙන් වෙන් කරන ලදි.
මෙය මුහුද ගොඩකර දූපතක් නිර්මාණය කර එහි නගරයක් ඉදිකිරීම හා එය විශේෂ ආර්ථික මධ්‍යස්ථානයක් බවට පත් කෙරෙන ඩොලර් බිලියන 1.4ක් ආයෝජනය කල යුතු දැවැන්ත ව්‍යාපෘතියකි. මෙරට භූමියට අලුතින් එක් වූ සමස්ත දූපතේ වපසරිය හෙක්ටයාර 269.3කි. එනම් අක්කර 1116කි. මෙම භූමිය කලාප 5කට බෙදා ඇත. කළුගල් ඝණමීටර මිලියන 3.6ක් හා චයිනීස් පොඩ්ස් කොන්ක්‍රීට් කුට්ටි 42,000ක් යොදා මීටර් 20ක් උසකින් හා මීටර් 3245ක දිගකින් යුත් දියකඩනයත්, වැලි ඝණමීටර් මිලියන 65ක් යොදා මුහුදෙන් මතු කරගත් ගොඩබිමත්, ඒ වටා මීටර් 5599ක් දිගැති කළුගල් රැදවුම් බැම්මේත්මේ සියලු වැඩකටයුතු මේ වනවිට අවසන් වෙලා අවසානය. එමෙන්ම ගොඩබිම හා මුහුද යා වන රැදවුම් බැම්ම හා එක්වන පරිදි දැවන්ත කොන්ක්‍රීට් කියුබ්ස් තැම්පත් කර තිබේ. යටිතල පහසුකම් හා දෙවන අදියරේ ඉදිකිරීම් මේ වන විටත් අවසන් අතර ව්‍යාපෘතියේ සියලු ඉදිකිරීම් අවසන් වන කාලය ලෙස ගිවිසගෙන ඇත්තේ 2041 වසරයි.
ආයෝජකයන් මෙන්ම දෙස් විදෙස් සංචාරකයන් ආකර්ෂණය කරගැනීමේ අරමුණින් ඉදිවන හෝටල් සංකීර්ණ, නිවාස සංකීර්ණ මෙන්ම ජාත්‍යන්තර මට්ටමේ සතුටු උයනක්, කිලෝමීටර් 2ක් දිග සුන්දර කෘතීම වෙරළ තීරයක්, ශාක 10,000කින් සපිරි හරිත උද්‍යානයක්, ඇල මාර්ගයක්ද, සැහැල්ලු බෝට්ටු යාත්‍රාංගනයක්ද, ඇණ මුරිච්චි නැතිව ලංකාවේ මුල්වරට එල්ලෙන පාලමත් මෙහි පවතින විශේෂ ස්ථාන කීපයකි.
මෙම දැවැන්ත ව්‍යාපෘතිය ආරම්භ කර දැනට වසර ගණනාවක් ගත වුවද මෙහි ඇති වටිනාකම සියලු තත් කාලයන්ට අයත් වන්නේ මෙය සමස්ත ආර්ථික ක්‍රියාවලියක නියැදියක් වශයෙනි. ඒ බව පැහැදිලිවම දැකගත හැකිවූයේ පසුගිය සමයේ අප රට තුල ඇති වූ දැවැන්ත ආර්ථික අර්බුදය තුලදීය.තවමත් නොවිසදුණු රටේ අර්බුදයන් ජය ගැනීම සදහා සුදුසුම හා එකම මාර්ගය රටට විදේශ ආයෝජන ගෙන ඒමයි. යැපුම් හා ණය මානසිකත්වයෙන් මිදී ඒ වෙනුවට ආයෝජන සංකල්පය ආදේශ කිරීම ඉතා යෝග්‍ය තීරණයක් බැවින් මෙම වරාය නගර ව්‍යාපෘතිය ශ්‍රී ලංකාවට වටිනා මෙන්ම දැවැන්ත සංවර්ධන ව්‍යාපෘතියක අඩිතාලම වශයෙන් සැලකිය හැකිය
විදේශ ආයෝජනයන් රට තුලට ගලා ඒම නිසා ගොඩනැගෙන තාක්ෂණික, දැනුම් හා සේවා ක්ෂේත්‍ර ලගා කරගැනීමෙන් ලබා ගන්නා දියුණුව අත් වන්නේ සීමිත පිරිසකට නොවේ.මින් උත්පාදනය වන සෘජු, වක්‍ර හා උත්තේජන බලපෑම් සමස්ත ජනතාවටම විසිර යයි. ඒ අනුව මෙසේ පියවරෙන් පියවර ඉදිකෙරෙන වරාය නගර ව්‍යාපෘතිය පාරිසරික වශයෙන් මෙන්ම සමාජීය වශයෙන් පුද්ගල ජීවිත වලට විවිධ අයුරින් බලපෑම් එල්ල වුවද රටම ආයෝජන කලාපයක් ලෙස ගිඩනැගෙන බල මධ්‍යස්ථානයක් බවට පත් කර ශ්‍රී ලංකාව ආර්ථික සමෘද්ධිය වෙත ගෙන යන ප්‍රයත්නයේ යථාර්තයක් බවට පත්වනු දැකීම සියලු පුරවැසියන්ගේ අපේක්ශාව වනු ඇත.
💗💗
ReplyDeleteThis comment has been removed by the author.
ReplyDelete👍👍
ReplyDelete👍
ReplyDelete